Gadyrly ulanyjy, sosial media kanallaryna we RO Berlin- Chemie AG” in Turkmenistan kompaniýasynyň (mundan beýläk “Kompaniýa”) onlaýn jemgyýetine bolan gyzyklanmaňyz üçin sag boluň. 

Bu kanallarda teswir ýazmak ýa-da material goýmak isleseňiz, birnäçe bilmeli zadyňyz bar. Kompaniýanyň öňünde goýan maksady näsaglara ýokary hilli önümler bermek arkaly adamlaryň durmuşyny gowulaşdyrmakdyr. Bu maksada ýetmek üçin Kompaniýa özüni hemişe tapawutlandyran dürüstlik, dogrulyk we aýanlyk gymmatlyklaryna laýyklykda ahlak taýdan dogry hereketleri özleşdirmek, goldamak we öňe sürmegi özüniň jemgyýetçilik we ahlak borjy hasap edýär. Kompaniýa bu ýörelgelere ygrarly bolup muňa laýyk gelmeýän hereketleri öňe sürüp, ýa-da hatda göz ýumup biljek islendik hereket we çemeleşmä garşy çykýar. Kompaniýa belli düzgünler bilen dolandyrylýan pudaklarda işleýär; şonuň üçin islendik çekişme aşakda görkezilen ulanyş şertlerine laýyk gelmelidir. Maglumatlaryňyz hereket edýän kanunlara laýyklykda işlener. Has giňişleýin maglumat üçin şu ýere basyň.

Kompaniýanyň islendik sosial media kanallarynda we onlaýn jemgyýetinde ("Kanallar") çap edilen habarlaryň birine teswir goşýan ýa-da jogap berýän islendik ulanyjy bu ulanyş şertlerini ýerine ýetirmäge razy bolýar; bu ulanyş şertleri ulanyjylara Kompaniýa ýa-da sosial platformalara we ulanylýan onlaýn jemgyýetlere eýe bolan islendik kompaniýa tarapyndan berlen şertlere ýa-da beýleki kanuny habarnamalara goşmaça hökmünde ulanylýar.

Mümkin boldugyça elýeterli bolan lukmançylyk we ylmy maglumatlar diňe maglumat bermek maksady bilen ulanylýar we lukmançylyk goşulyşmasynyň ornuny tutýan ýa-da ýöriteleşdirilen bejergini görkezýän hünärli maslahat hökmünde kabul edilmeýär.

Ulanyjy ýerleşdirmäge rugsat berlen ýerlerde islendik maglumatlaryň, tekstleriň, grafikalaryň, suratlaryň, olaryň saýlanylyşy we tertibi we ulanyjynyň saýlanan kanalyň IT funksiýalaryny we gurallaryny ("Mazmuny") ulanmak arkaly ibermek kararyna gelen beýleki materiallarynyň diňe olary döreden adamyň jogapkärçiligindedigini kabul edýär.

Sitatalara, “laýk” basmaga we teswir goşmaga rugsat berilýär; Kompaniýanyň ýa-da başga farmasewtik kompaniýalaryň önümleri ýa-da bejeriş usullary bilen baglanyşykly çekişmelere bolsa rugsat berilmeýär.

Dolandyryş we moderasiýa bulardan jogapkär adamlara ynanylýar, olar iberilen habarlarda belli tertipler bilen barlaglary geçirýärler.  Her niçik hem bolsa, ulanyjy degişli Kanaly dolandyrýan kompaniýanyň Mazmuna degişlilikde hiç hili öňüni alyş gözegçiligini geçirip bilmejekdigini kabul edýär, Ulanyjylar tarapyndan ýüklenen, iberilen ýa-da başgaça elýeterli edilen Mazmun üçin jogapkärçiligi ret edilýär.

Göz öňünde tutulan ýerlerde ulanyjy Kanalyň beýleki sosial ulgamlar bilen neşir edilen Mazmuny paýlaşmaga rugsat berip biljekdigini hem kabul edýär; Degişli Kanaly dolandyrýan kompaniýa Mazmunyň soň nähili işlenjekdigine gözegçilik edip bilmez we oňa degişli jogapkärçilik ýa-da borçnama almakda ýüz öwürýär.

Kompaniýa ulanyjylaryň teswirlerine we soraglaryna jogap bermek üçin elinden gelenini eder; şeýle-de bolsa, hukuk pudagy bilen gönüden-göni baglanyşykly meseleler, gizlin maglumatlar ýa-da lukmançylyk bozulmalary baradaky maglumatlar ýaly käbir mowzuklary çözmek mümkin däl. Teswirlere jogap bermek mümkin bolmasa, saýlanan Kanalyň funksiýalarynda rugsat berlen maksat bilen şahsy habar iberilip bilner.

Islendik ýagdaýda, her bir ulanyjy üçin aşakdakylary öz içine alýan habarlary ibermek düýbünden gadagan:

• paýyş söz, masgaralama, töhmet; kemsidiji, adam saýlaýyjy ýa-da mertebe kiçeltiji, gödek, ksenofob mazmun ýa-da başgalaryň mertebesine we duýgurlygyna şek ýetirýän, ýigrenji, zorlugy ýa-da bikanun hereketleri wasp edýän mazmun;
• üçünji taraplaryň intellektual eýeçilik we / ýa-da senagat eýeçiligi hukuklary (söwda bellikleri ýa-da logotipleri) ýa-da awtorlyk hukugy bilen goralan materiallar (aýdym-saz, wideo, tekst ýaly); şeýle hukuklaryň eýeleriniň aç-açan razyçylygy bolmazdan;
• islendik bejergi görkezijileri;
• syýasy wagyz-nesihat mazmuny;
• mowzukdan daşary mazmun ýa-da çekişmäni bozmak ýa-da media kanalyny dolandyrýanlary we moderatorlary kemsitmek üçin ýazylan mazmun;
• umuman lukmançylyk ýa-da başga hili saglyk maslahatyny bermek;
• täjirçilik mazmuny: mysal üçin önümleri / hyzmatlary satmak, mahabat kampaniýalary ýa-da janköýerleri we yzarlaýjylary edinmegi maksat edinýän mazmun;
• jemgyýet üçin köp gaýtalanýan we / ýa-da bimaza edýän mazmun ýa-da ýürege düşgünç mahabatlar ibermek;
• hukuk pudagy bilen gönüden-göni baglanyşykly islendik meseleler, gizlin maglumatlar ýa-da lukmançylyk bozulmalary bilen baglanyşykly maglumatlar;
• saýlanan Kanalyň özüňi alyp barmak kadalaryny bozýan islendik mazmun.

Mundan başga-da, ulanyjy kabul edýär:

• ýerleşdirilen mazmunda Menarini Toparynyň kompaniýalarynyň ýa-da başga farmasewtik kärhanalaryň haýsydyr bir dermany ýa-da işjeň maddalary agzalmaly däldir;
• hereket edýän düzgünlerde göz öňünde tutulşy ýaly, hiç hili ýagdaýda neşe serişdelerine degişli mahabatlandyryjy mazmun ýerleşdirmäge ýol berilmeýär;
• hiç bir ýagdaýda islendik kazyýet işi, jedelleri / garaşylýan kazyýet işi agzalmaly däldir;
• ulanyjy üçünji taraplaryň şahsyýetini kesgitlemäge mümkinçilik berýän maglumatlary (ady, telefon belgisi, salgysy, suratlary we / ýa-da şeýle üçünji taraplaryň suratlandyrylýan wideolary) ýüklemezden ozal olaryň razylygyny almaly; islendik surat ýa-da mazmunyň neşir edilmegine we sosial media ulgamy arkaly paýlaşylmak mümkinçiligine razylyk bermeklik saýtda bar bolan funksiýalar we IT gurallary arkaly –ýaýramagyna we paýlaşylmagyna awtomatiki razylygy aňladýar;
• Kanalyň funksiýalary we IT gurallary arkaly geçirilen, ýa-da şol funksiýalar we IT gurallary arkaly ulanyjy tarapyndan alnan islendik ulanyjy Mazmunynyň ýa-da materiallaryň ulanylmagy ýa-da agzalmagy üçin ulanyjynyň özi jogapkärçilik çekýär.

Kompaniýa ulanyş şertlerine laýyk gelmeýän hasap edilip bilinjek ýazgylary gysga wagtda ýok etmek arkaly gatyşmak hukugyny özünde saklaýar.

Ulanyjy kompaniýanyň ygtyýarly edaralaryň kompaniýadan agzalan materiallary iberen bolmagy mümkin şahsyň şahsyýetini aýan etmegini isleýän islendik çäreleri durmuşa geçirmek hukugyny / borçnamasyny kabul edýär. Kompaniýa siziň ýa-da beýleki ulanyjylar tarapyndan iberilen Mazmun bilen baglanyşykly ýa-da ýüze çykan ýitgiler ýa-da zyýanlar üçin jogapkärçilik çekmez.

Bu ulanyş şertlerini ýa-da Kanalyň özüňi alyp barmak kadalaryny gaýta-gaýta bozýan ulanyjylar üçin Kompaniýa bozulmalaryň öňüni almak we ulanyjyny sosial platformanyň dolandyryjylaryna habar bermek we petiklemegi ulanmak hukugyny özünde saklaýar (tehniki taýdan mümkin bolan ýagdaýynda).

Kompaniýa sosial mazmunyň bir bölegi hökmünde web sahypalaryna baglanyşyk ýa-da salgylanma berip biler; şeýle-de bolsa, Kompaniýa şeýle saýtlaryň takyklygy ýa-da mazmuny üçin hiç hili jogapkärçiligi kabul etmeýär we şeýle mazmun sebäpli ýüze çykan zyýan üçin jogapkärçilik çekmeýär.

Kompaniýa tarapyndan dolandyrylýan Kanallaryň haýsydyr birine ýerleşdirmek bilen, ulanyjylar öz ýazgylarynyň we islendik pikirleriniň, usullarynyň ýa-da mazmunynyň Kompaniýa tarapyndan islendik görnüşde we islendik metbugatda, şol sanda forumlarda, kompaniýanyň beýleki web sahypalarynda we sosial media sahypalarynda, şeýle hem işinde erkin ulanylyp bilinjekdigini kabul edýärler we ylalaşýarlar. Şeýlelikde, ulanyjylara gizlinligini saklamak isleýän ýa-da degişlilikde hak tölegine garaşýan pikirleri, materiallary ýa-da mazmuny paýlaşmazlyk maslahat berilýär.

Bu kanaly dermanlaryň ýaramaz ýa-da zyýanly täsirleri barada habar bermek üçin ulanmaň. Kompaniýanyň önümi ulanylandan soň zyýanly ýa-da oňaýsyz ýan täsirleri ýüze çykan halatynda, derrew lukmanyňyza, farmasewtiňize ýa-da başga bir saglygy goraýyş hünärmenine ýüz tutuň. Islendik oňaýsyz reaksiýany gönüden-göni kompaniýa we ygtyýarly edaralara aşakdaky baglanyşyk (ssylka) arkaly habar berip bilersiňiz: Derman gözegçiiligi.